Link açıqlığı

Yevromaydan aktivistlerine ateş açqan «Berkut» hadimleri Qırımda saqlanalar – Ukraina havfsılıq hızmeti


Yevromaydan aktivistleriniñ öldürüvinde qabaatlı olğan «Berkut» ve «Alfa» hadimleri Qırımda saqlanalar.

Bunı Ukraina havfsızlıq Hızmetiniñ reisi Valentin Nalivayçenko bildirdi.

«Daa yaqalanmağan «Berkut» hadimleri ve arbiy cinayetinde iştirak etken «Alfa» hadimleri al-azırda Qırımda gizleneler», – dedi o.

Onıñ aytqanına köre, olarnıñ bu cinayetlerge olğan alâqaları endi tasdıqlanıldı, olarnı şimdi sorğuğa çekmege kerek. O şunı da qayd etti ki, «Alfa» sabıq yolbaşçıları sorğudan keçeler ve taqiqatqa yardım etmekteler.

Noyabr 30-dan başlap, Ukraina toprağında yüz bergen narazılıqlarnıñ neticesinde 103 adam elâk oldı. Ukraina Baş prokuraturası Yevromaydan aktivistleriniñ öldürüvinde qabaatlı olğan 12 Berkut hadimini yaqaladı.
XS
SM
MD
LG