Ukrayina prezidenti Ofisiniñ yolbaşçısı Andriy Yermak, İtaliya Episkop konferentsiyasınıñ yolbaşçısı, Katolik kilsesiniñ kardinalı Matteo Dzuppi ile subet keçirdi, dep haber ete Azatlıq Radiosı.
Subet, Rusiye tarafından tutulğan Ukrayina vatandaşlarınıñ, hususan sürgün etilgen balalarnıñ qaytarıluvı aqqında edi.
Siz de bu yönelişte çalışmağa devam etesiñiz. Teşekkürler. Bu esnas yavaş-yavaş keçe, lâkin ilerley", - dedi Yermak, Dzuppige muracaat etip.
Ukrayina prezidentiniñ ofisiniñ malümatına köre, Yermak kardinalni Ukrayinağa cenk esirlerini, hususan arbiy ekimlerni azat etmege yardım etmege çağırdı:
"Subette bu esnasnı tezleştirmek ve Pasha arfesinde deñişimlerni teşkil etmek içün yollar muzakere etildi".
Bundan da ğayrı, taraflar iyün ayında İsviçride keçirilecek Global barışıq sammitine azırlıqnı ve ğayretlerni birleştirmek içün eki taraflı körüşüvniñ keçirilmesi imkânını muzakere ettiler.
Dzuppi keçken sene iyün ayında Kıyiv ve Moskvanı ziyaret etti, soñra ise iyül ayında Vaşingtonnı ziyaret etti. O vaqıt o, Moskvadaki ziyareti barışıqlı al etilüvden ziyade gumanitar meselelernen bağlı olğanını bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
