Aqmescitte fevralniñ 26-nda olğan küçlü yel sebebinden bir çoq terek zarar kördi ve yıqıldı, tüşkende ise elektrik tellerini üzdi, dep bildire Rusiye kontrolindeki Aqmescit memuriyeti.
«Tünevin areket qısmına balaban pıtaqlar ve terekler, em tellerniñ parçaları tüşti. «Şeerniñ» brigadası keçken künü 6 qazanı yoq etti, işler bugün de devam ete», – dep aytıla haberde.
Memuriyetniñ bildirgenine köre, kommunal hızmetler tüşken tereklerni gece boyunca topladı, qalğan parçalar alâ daa çıqarıla.
Kefede fevralniñ 26-nda küçlü yel altı qatlı evniñ damını qoparıp aldı. Qırımdaki qurtarıcılar yarımadada furtuna havfı fevralniñ 27-ne qadar uzatıldı, dep tenbiledi.
