Qırımda noyabr 5-ine qadar furtuna ihtarı ilân etildi, dep bildire Qırım gidrometeomerkez.
"Quru ve sıcaq avadan soñ suvuq front keçkeni içün, oktâbr 31-inde ve noyabr 1-inde Qırımda ava şaraiti pek deñişecek: şimal-şarqiy yel saniyede 15-20 metrge qadar küçleşecek, yağmur ve dağlarda qar yağacaq. Noyabrniñ 1-inde maksimal ava arareti +5...+10 derecege qadar tüşecek, minimal ise -2...-5°, yalı boyunda +2...+5 derecege qadar tüşecek", - denile beyanatta.
Müessise, yarımadada ep bir yüksek yanğın telükesi bar olğanını qayd etti.
Daa evel Qırım.Aqiqat Aqmescitte oktâbrniñ 31-nde birinci qar yağğanını bildirgen edi. Hususan, qar Aqmescitte ve Ay Petride yağdı.
Aqyar ormanınıñ küz renkleri (süret toplamı)
Aqyar ormanında kezintini Qırım.Aqiqatnıñ süret toplamında seyir etiñiz
