Sentâbrniñ 17-19-nda olıp keçken Devlet Dumasınıñ neticelerine köre «Yedinaya Rossiya» anayasa çoqluğında qala, dep bildire Azatlıq Radiosı.
Bülletenlerniñ 95 fayızı sayılğan soñ «YR» firqa cedvellerine köre reylerniñ aman-aman 50 fayızını qazana. Bundan ğayrı, 199 firqa vekili, Merkeziy saylav komissiyasınıñ malümatına köre, bir mandatlı okruglarda lider ola. Umumen yañı Devlet Dumasında 450 mandattan tahminen 315-i ola. «Yedinaya Rossiya» bundan evel daa çoq mandatqa saip edi, amma bu da anayasa çoqluğı içün kerekli olğan 300-den çoq.
Ekinci yerde Rusiye Federatsiyasınıñ kommunistler firqası – onıñ federal cedvellerge köre reylerniñ tahminen 19 fayızı bar, firqa vekilleri 9 bir mandatlı okrugda lider ola. RFKF (KPRF), ilk malümatqa köre, beş regionda ğalebe qazanıp oldı: Yakutiya, Habarovsk ülkesi, U lyanov vilâyeti, Mariy El ve Nenets muhtar okrugında.
«Yedinaya Rossiya» işğal etilgen Qırımda ve Aqyarda reylerniñ ekseriyetini aldı.
Bir mandatlı okruglarda «Spravedlivaya Rossiyanıñ» bir qaç namzeti keçe ve daa bir qaç firqanıñ namzetleri keçe, namzetini özleri köstergen bir qaç kişi daa keçe. Dumağa «Yedinaya Rossiyadan» keçmegenlerniñ büyük qısmı Aleksey Navalnıynıñ Aqıllı rey berüv adını alğanlar tarafından qoltutuldı.
Firqa cedvellerine köre, reylerniñ 7 fayızından çoq alıp, Dumağa keçkenler arasında LDPR ve «Spravedlivaya Rossiya – Za pravdu» ola. Dumada beşinci firqa olacaqtır: «Novıye lüdi» bülletenlerniñ 95 fayızı teşkerilgen soñ, 5 fayızlı baryerni keçe.
