Link açıqlığı

Qırımda «Yedinaya Rossiya» Umumrusiye siyasiy firqasınıñ regional bölügi açıldı.

Bunı tanılmağan Qırım Cumhuriyetiniñ Devlet şurasınıñ matbuat-merkezi bildirdi.

Aqmescitte «Yedinaya Rossiya» Umumrusiye siyasiy firqasınıñ regional bölüginiñ tesis konferentsiyası olıp keçti. Mında «Yedinaya Rossiya» Umumrusiye siyasiy firqasınıñ kâtibi, RF Devlet Dumasınıñ Federal Toplaşuvınıñ Reisi muavini Sergey Neverov iştirak etti.

İşke başlamazdan evel o, «Yedinaya Rossiya» firqasınıñ biletini qanunsız parlament reisi Vladimir Konstantinovqa taqdim etti. Konstantinov «Yedinaya Rossiya» Umumrusiye siyasiy firqasınıñ Qırım regional bölüginiñ kâtibi oldı.

Şu sırada firqa biletleri evelleri Regionlar firqasınıñ azaları olğan deputatlarğa Sergey Tsekov, Grigoriy İoffe, Konstantin Baharev, Sergey Zayats, Petr Zaporojets, Larisa Georgiadige berildi. Bundan da ğayrı, biletlerge öz başına tayinlengen Qırım akimiyetiniñ içtimaiy siyaset «naziri» Yelena Romanovskaya, Andrey Közenko ve digerleri lâyıq oldılar.

«Yedinaya Rossiya» firqasınıñ regional siyasiy şurasına 15 insan kirdi. Regional kontrol-teftiş komissiya boyunca leyha qabul olundı. Onıñ terkibine 3 insan kirdi.
XS
SM
MD
LG