Qırımnıñ Yedi Quyu (Leninskiy) rayonında yengil ve yük maşnalarınıñ iştiraginen yol qazası yüz berdi, onıñ neticesinde bir adam yaralandı, dep bildire yarımada FVN-niñ matbuat hızmeti.
Müessiseniñ aytqanına köre, qaza tünevin Aqköz (Gornostayevka) köyüniñ yanında oldı. Şimdilik belli olmağan sebepten Mersedes yük maşnası ve “VAZ-2199” yengil maşna çatıştı. Uruvdan yengil maşnanıñ sağ tarafı pek ezildi.
“Yol qazası neticesinde “VAZ-2199” maşnasınıñ aydavcısı yaralandı, onı acele sürette Keriç hastahanesine alıp kettiler”, - dep qayd etti müessise başı Sergey Şahov.
Qırımda KamAZ ve LADA Largus çatışması vaqtında rusiye arbiy maşnası çevirildi. Bu aqta, qaza yerinden süretlerni derc etip, Qırım matbuatı bildire.
Aqmescitke Bağçasaray tarafından kirişte arbiy benzin taşıyıcısı iştiraginen yol qazası yüz berdi. Qırım.Aqiqat mühbiri bildirgenine köre, qaza neticesinde benzin taşıyıcısınıñ saqası patladı ve taşıt yoluna saqadan mazut töküldi.
