Rusiye Devlet Dumasınıñ Qırım deputatı Ruslan Balbek, Yedi Quyu rayonındaki Aq Manay (Kamenskoye) köyünde gaz borusını qoyuv qurucılıq işleri eski musulman mezarlığına ketirilgen zarar sebebinden prokuraturanıñ talabınen toqtatıldı, dep bildirdi. Tapılğan mezarlıq sarıp alındı.
Onıñ aytqanına köre, tapılğan qalıntılar musulman adetlerine köre defin etilecek. Balbek, yerli musulman cemiyetiniñ vekilleri açuvlanıp muracaat etken soñ, o, Qırım prokuraturasına muracaat etti, dep qayd etti.
«Arheologik şirket topraq işleriniñ keçirilüvi içün «Aq Monay» mezarlığı» arheologik obyektiniñ saqlap qalması içün telüke olmağanına dair yañlış qarar çıqarğanı belli oldı. Reberine haber etildi. Qırım medeniyet nazirligi «Aq Monay» mezarlığı» arheologiya obyektini Rusiye halqlarınıñ miras medeniyeti obyektleriniñ yekâne cedveline kirsetüv meselesini baqacaq», – prokuratura vesiqasını derc etip, dep yazdı o, Facebookta.
Onıñ bildirgenine köre, «böyle vaziyetlerge yol bermemek içün mezarlıq sıñırları resmiy şekilde qayd etilmeli».
«Mütehassıslar tapılğan qalıntılarnıñ tarihiy-medeniy qıymetini baqacaq. Leyhağa kirsetilgen deñişmelerden soñ gaz borusınıñ quruluvı devam etecek, dep qayd etem», – dep qoştı o.
Arheologik şirketniñ adı aydınlatılmay.
Rusiye kontrolindeki Qırım ve Aqyar musulmanları diniy idaresi Yedi Quyu rayonında Aq Monay köyündeki musulman mezarlığınen bağlı «tedbir almağa» talap etti, çünki yüksek basımlı gaz borusı qoyulğanda eski musulman mezarlığına zarar ketirildi.
