Rusiye mahkemesi 2023 senesi iyün ayında 32 yaşında erkek «Ukrayina Mudafaa nazirligi Baş istihbarat idaresi qurğan ve idare etken içtimaiy ağdaki toplulıqqa kirgen», dep bildire.
2023 senesi küzde mabüs Kefede Rusiye ordusı bulunğan yerniñ foto ve videolarını yapqan eken.
Neticede Rusiye mahkemesi Yedi Quyu rayonınıñ sakinini ileride azatlığını 1 yıl ve 6 ayğa sıñırlamaq ve 100 biñ Rusiye rublesi miqdarında para cezasını töletmek şartınen 18 yıl sert rejimli koloniyada qalmasına üküm etti.
Daa evel berilgen malümatqa köre, Qırımdaki Rusiye mahkemesi Ukrayina istihbaratınen işbirligi yapqan Yalta sakini mahkeme etecek. 2023 senesiniñ soñunda mabüs Rusiye Silâlı quvetleriniñ yerlerini fotoğa çıqardı ve «resimledi», dep aytıla.
Aq qorçalayıcılar tahmin etkenine köre, devlet hainligi, casuslıq ve gizli işbirligi davaları bir qaç qat artacaqtır. Tedqiqatta aytılğanına köre, FSB aman-aman er kün böyle davalar aça, 2014 senesine qadar böyle davalar yılda eñ çoq 10 ola edi. Ukrayinağa qarşı büyük cenk başlağan soñ Ceza kodeksiniñ eñ ağır maddelerinden biri cenkke qarşı çıqqanlar içün eñ populâr oldı, dep aytıla tedqiqatta.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
