Link açıqlığı

Moskva Ukrainadaki buhrannı al etmek içün Jeneva añlaşmalarına riayet etmese, «Yedi eñ ilerilegen» devletniñ liderleri Rusiyege qarşı qoşma cezalar kirsetecekler.

Cumaertesi künü «yedi memleketniñ» aydınlatılğan beyanatında aytıla ki, kelecek aynıñ soñunda Ukrainada prezident saylavlarını keçirmege imkân bermek içün gruppanıñ bütün memleketleri Rusiyege qarşı yañı cezalar kirsetecekler.

«Kelecek aynıñ soñunda Ukrainada prezident saylavlarında muvafaqiyetli ve barışıq demokratik rey berüvni kefil etmek içün bizler Rusiyeni yapqan areketleri içün cevap bermege mecbur etecek adımlarğa acele sürette başlamağa qarar aldıq», – aytıla AQŞ ükümetiniñ saytında.

Aynı vaqıtta, kütleviy haber vastalarınıñ malümatına köre, AQŞ ve AB qabul etilgen cezalarnı kelecek bazarertesi künü ilân etecekler.

Almaniya kantsleri Angela Merkel kelecek afta Washingtonğa barıp, AQŞ prezidenti Barack Obama ile Rusiyege qarşı Ukrainada yapqanları içün «umumiy cezalarnı» muzakere etecek.
XS
SM
MD
LG