Link açıqlığı

Yatsenük: Yarın ukrainliler olarnı qorqutmaq imkânsız olğanını küsterecekler


Ukraina baş naziri Arseniy Yatsenük prezident saylavları arfesinde Ukraina vatandaşlarına muracaatta bulundı. Onıñ beyanatı Ukraina nazirler Kabinetiniñ saytında yerleşe.

«Yarın biz bütün dünyağa, kendimizge de, bizni qorqutmaq imkânsız olğanını ve tuvğan evimizniñ qurucılığını tek biz tüşünmek kerekligimizni bildirecekmiz… Saylayıcılarnıñ kerçek ve açıq-aydın belgidevine keder etecek er şeyni yoq ettik. Ketişatnı qabarcılıqtan, «atlı qarınca» ve yoq olğan merekepten temizlemek içün areket ettik. Çetelden desteklengen aydutlarğa saylavlarğa keder etmek fırsatnı bermedik. Olarnıñ maliye destegini ve uquqiy terimeni temin ettik», – denile muracaatta.

Yatsenük şunı da qayd etti, bu «ğarp, şarq, şimal ve cenüpte yaşağan ukrainlilerniñ adaletli ve maniasız saylavı olacaqtır».

«Bizde mıtlaqa birleşken Avropa paytahtına barıp, Avropa Birligi ile serbest ticareti aqqında añlaşmanı imzalaycaq qanuniy prezidentimiz olacaq. Yañı saylanğan Prezident mıtlaqa ukrain halqından aqsızlıqnıñ boz künlerinden umumiy qıymetler etrafında birleşken serbest insanlarğa ketirecek mandatnı alacaqtır», – dep aytıla muracaatta, dep haber ete ZN.UA.
XS
SM
MD
LG