Link açıqlığı

Ukraina Rusiye Federatsiyasına gaz borcunı tölemege azır. Faqat, böyle alda, qarşı taraf işğal etilgen Qırımda çıqarılğan yaqarlıq içün tahminen milliard dollarnı ödemeli.

Bunı Ukraina baş naziri Arseniy Yatsenük Radio Svobodağa bildirdi.

«Biz Rusiyeden Ukrainağa Qırım muhtar cumhuriyetinden «Çernomorneftegaz» vastası ile hırsızlağan 2,2 milliard kubometr gaznıñ qaytarılması aqqında cevapnı bilmek isteymiz», – dedi o.

Yatsenük qayd etti ki, eger mayıs 29 qadar «Naftogaz Ukraina» ve Rusiyeniñ «Gazprom»ı arasında añlaşmasa imzalanmasa, şirketler Stokgolm arbitraj mahkemesinde körüşecek.

Rusiye energetika naziri Aleksandr Novak bazarertesi künü Rusiye Ukraina ile gaz fiyatı boyunca muzakerelerni keçirmege azır olğanını bildirdi. Faqat başta Kiyev mayıs 31 qadar yaqarlıq içün 2,5 milliard dollar miqdarında borcunı ödemeli.
XS
SM
MD
LG