Link açıqlığı

Mayıs 9 künü Putinniñ Qırım ziyareti – tariktir, amma Kiyev bunı çetel prezidentniñ Ukraina toprağında bulunğanı kibi tanıycaq.

Bunı «5 kanal» efirinde Ukraina baş naziri Arseniy Yatsenük bildirdi.

«Tarik maqsadı ile yapıla. Amma biz bunı çetel prezidentniñ Ukraina toprağında bulunğanı kibi tanıymız, çünki Qırım – Ukraina qısmıdır», – qayd etti Yatsenük.

Cumaaqşamı künü Almaniya çetel işler naziri Frank-Walter Steinmeier Putinniñ Qırım arbiy paradında iştiragi vaziyetni daa kerginleştirecegini aytqan edi. Almaniya kantsleri Angela Merkel qayd etti ki, eger de böyle olsa, o, pek «yazıqsınacaq» eken.

Rusiye bir sıra matbuat vastası mayıs 9 künü Vladimir Putin Rusiye Qara deñiz flotu bulunğan Aqyarnı ziyaret etecegini bildire edi.

Ğarp Rusiye işğalini tanımay.
XS
SM
MD
LG