Donetsk ve Lugansk vilâyetleri terroristlerden azat olacaq, dedi bugün parlament toplaşuvında Ukraina baş naziri Arseniy Yatsenük, dep bildire Radio Svoboda.
«Biz Donetsk ve Lugansknı olarnıñ kelecegine zarar ketirmege istegenlerden azat etecekmiz. Rusiye tarafından desteklengen banditizm ve terrorizm yoq etilecek»,– dedi Yatsenük.
Ukraina havfsızlıq hızmeti Lugansk ve Donetsk vilâyetlerinde sekiz kiriş noqtasında areket toqtatılğanını bildirdi, şu cümleden Marinovkada da, mında tünevin sıñır bekçileri ve boyevikler arasında uruş yüz bergen edi.
Ukraina ükümeti öz qararını terroristler Rusiye tarafından kelgenini aytıp añlattı.
Rusiye çetel işler nazirliginde sıñırda kiriş noqtalarınıñ qapatıluvı içün açuvlı olğanlarını bildirdiler.
Hatırlatamız, Rusiye prezidenti Vladimir Putin Frenkistan prezidenti Fransua Hollande ile subetinde Ukraina separatistlerine onıñ tesiri olğanı ile razı oldı.
Bunı RTL teleradiokompaniyasına körüşüvde bulunğan Frenkistan çetel işler naziri Loran Fabius bildirdi, dep haber ete Deutsche welle.
Vladimir Putin ile körüşüvde Fransua Hollande Ukraina ile barışıqnıñ zaruriyeti aqqında laf yürsetti.
Putin, öz nevbetinde, bazı bir Rusiye tarafdarı olğan separatistlerge, belki de, tesiri ola bilecegini qayd etti. Faqat, bunıñ ile tesiri sıñırlı olğanını da aytıp keçti, dey Frenkistan çetel işler nazirliginiñ başı.
Bundan da ğayrı, Putin Lugansk ve Donetsk vilâyetleriniñ mustaqilligi aqqında referendumğa qarşı çıqqanını da ayttı, faqat o, episi bir, keçti.
«Biz Donetsk ve Lugansknı olarnıñ kelecegine zarar ketirmege istegenlerden azat etecekmiz. Rusiye tarafından desteklengen banditizm ve terrorizm yoq etilecek»,– dedi Yatsenük.
Ukraina havfsızlıq hızmeti Lugansk ve Donetsk vilâyetlerinde sekiz kiriş noqtasında areket toqtatılğanını bildirdi, şu cümleden Marinovkada da, mında tünevin sıñır bekçileri ve boyevikler arasında uruş yüz bergen edi.
Ukraina ükümeti öz qararını terroristler Rusiye tarafından kelgenini aytıp añlattı.
Rusiye çetel işler nazirliginde sıñırda kiriş noqtalarınıñ qapatıluvı içün açuvlı olğanlarını bildirdiler.
Hatırlatamız, Rusiye prezidenti Vladimir Putin Frenkistan prezidenti Fransua Hollande ile subetinde Ukraina separatistlerine onıñ tesiri olğanı ile razı oldı.
Bunı RTL teleradiokompaniyasına körüşüvde bulunğan Frenkistan çetel işler naziri Loran Fabius bildirdi, dep haber ete Deutsche welle.
Vladimir Putin ile körüşüvde Fransua Hollande Ukraina ile barışıqnıñ zaruriyeti aqqında laf yürsetti.
Putin, öz nevbetinde, bazı bir Rusiye tarafdarı olğan separatistlerge, belki de, tesiri ola bilecegini qayd etti. Faqat, bunıñ ile tesiri sıñırlı olğanını da aytıp keçti, dey Frenkistan çetel işler nazirliginiñ başı.
Bundan da ğayrı, Putin Lugansk ve Donetsk vilâyetleriniñ mustaqilligi aqqında referendumğa qarşı çıqqanını da ayttı, faqat o, episi bir, keçti.
