Qırımnıñ Bağçasaray rayonında «Yaşamağa isteyim» Ukrayına leyhasınıñ türkçe risaleleri peyda olıp başladı, dep haber ete «Qırım yeli» Telegram kanalı. Bu haberler Telegramdaki Qırım çatlarında peyda oldı.
«Qırımnıñ işğalcilerden qurtulmasına yardım et, dostlarıñ ve yaqınlarıñ arasında haberni tarqat», – dep aytıla risale metninde, QR-kod yardımınen «Yaşamağa isteyim» leyha saytına keçmek mümkün.
«Yaşamağa isteyim» – Arbiy esirlerge yanaşuv koordinatsion ştabınıñ Ukrayına devlet leyhası. Rusiye Federatsiyası Silâlı quvetleriniñ arbiyleri içün esirlikke teslim olmaları içün yapıldı.
Ukrayına istihbaratı Rusiye Federatsiyasında ve işğal etilgen Qırımda qısmiy seferberlik başlanğan soñ rusiyeliler esirlikke teslim olmaq içün sıcaq ağğa muracaat ete, dep bildire. Faal cenk areketleri vaqtında bunı teşkermek imkânsız ola.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
