Link açıqlığı

Ukraina ile sıñırlarda Rusiye arbiy adamlarınıñ sayısı 10 biñden 15 biñge qadar teşkil etmesi mümkün.

Bunı bugün Kiyevde baş naziriniñ birinci muavini Vitaliy Yarema bildirdi, haber ete Azatlıq Radiosı.

Yaremanıñ aytqanına köre, askerlerniñ çoqusı Ukraina ve tanılmağan Pridnestrovye Moldova Cumhuriyeti ile sıñırlarda buluna.

Onıñ malümatına köre, mayıs ayınıñ başına Ukrainadaki vaziyetni kerginleştirüv aktsiyaları planlaştırıla.

Yarema sıñırlardaki vaziyet ükümetniñ nezareti altında olğanını qayd ete.

Bundan ğayrı, o, Ukraina ordusı aqqında söz yürsetti. İstilâcı Ukraina topraq bütünligine ücüm etecek olsa, arbiy adamlar cevap bermege azırlar, dep ayta Yarema.

Baş nazirniñ birinci muavini bergen malümatqa köre, Qırımda Ukrainadaki diger regionlarğa avuştırılmasını beklegen 400 Ukraina arbiy adamı buluna.
XS
SM
MD
LG