Dekabrniñ 3-ünde Aqmescit ava limanında Rusiye şeerleri Moskova ve Soçige uçuşlar ve Soçi, Anapa ve Moskovadan reysler keç qala.
Bu aqta ava limanınıñ saytındaki cedvel bildire.
Uçuşlar yaramay ava şaraitleri, hususan, tuman sebebinden keçke qala dep ava limanınıñ matbuat hızmetine esaslanıp Qırım habercileri bildire.
Ava limanınıñ saytında şimdilik keç qaluv sebepleri aqqında malümat yoq.
2014 senesi mart ayında Rusiye Qırımnı işğal etkeninden soñ, Ukraina akimiyeti qararınen Qırım ava limanları qapatılğan edi. Anda ve andan yapılğan er uçuş Ukraina qanunları ve halqara qaideleriniñ bozulıvı sayıla.
2017 senesi oktâbr ayına, 2014 senesinden başlap çetel uçaqları, ilhaq etilgen Qırımğa muntazam halqara uçuşlarnı yapıp, 13 biñge yaqın kere Ukraina ava meydanını bozdı.
