Saqta yaramay ava sebebinden şeerniñ yarısı elektriksiz qaldı, 30-dan çoq terek yıqıldı. Bu aqta Saqnıñ Rusiye memuriyet yolbaşçısı Aleksandr Ovdiyenko Facebookta bildirdi.
Onıñ aytqanına köre, tamir işleri keçirile, suv basqan soqaq, yol ve çapralar bar. Üç çoq daireli evniñ damı bayağı zarar kördi. Ovdiyenkonıñ malümatına köre, «zarar esaplana ve ğayrıdan tikleycek mehanizm belgilene».
Şeer yolbaşçısı bildirgenine köre, üç acele tamir gruppasınıñ işi teşkil etildi, er birinde dört insan bar.
Qırımda cumaaqşamı künü, iyülniñ 2-nde, boranlı yağmur, küçlü yağmur ve burçaq yağması beklenile. Tahmin etilgen yaramay ava sebebinden Qırımnıñ Fevqulâde vaziyetler nazirliginiñ idaresi yarımada sakinlerini ve musafirlerini deñizge çıqmamağa, furtuna vaqtında yalı kenarı yaqınlarında olmağa çağıra.
Yarımadada eki aftadan berli yaramay ava qala. Aqmescit soqaqlarını eki kere suv bastı. Aqyarnıñ Kazaçya körfezinde küçlü yağanaqlar neticesinde topraq eşildi. Ekologlarnıñ ilk esaplarına köre, umumen 500 tonna topraq eşildi.
Aqmescit rayonınıñ Biy Tanış (Pervomayskoye) köyünde 50 evni suv bastı.
