Link açıqlığı

Saatnıñ esas haberi

Ukrayınada Rusiyeniñ büyük silâlı istilâsı neticesinde yaralanğan balalarnıñ sayısı arttı


Nümüneviy fotoresim
Nümüneviy fotoresim

Ukrayına Baş prokurorınıñ ofisi Rusiyeniñ büyük silâlı istilâsı neticesinde yaralanğan balalarnıñ sayısı arttı, dep bildirdi.

«2022 senesi noyabrniñ 25-i sabasına qadar 1287-den çoq bala Ukrayınada Rusiye Federatsiyasınıñ büyük silâlı istilâsı neticesinde yaralandı. Balalarnıñ meselelerinen oğraşqan prokurorlarnıñ resmiy malümatına köre, 440 bala elâk oldı ve 849-dan çoq çeşit yaralar aldı», – dep bildire Ukrayına Baş prokurorınıñ ofisi Telegramda.

Berilgen malümatqa köre, noyabrniñ 24-nde Hersonğa açılğan ateş neticesinde 11 yaşında oğlançıq yaralandı. Herson vilâyetiniñ Berislavına açılğan ateşi neticesinde 16 yaşında qız yaralandı.

Müessise qayd etkenine köre, bu raqamlar tam degil, çünki faal uruş yerlerinden ve vaqtınca işğal etilgen ve azat etilgen topraqlardan malümat yoq.

BM, noyabrniñ 20-ne qadar Rusiyeniñ Ukrayınağa qarşı cenki sebebinden aman-aman 6600 vatandaş elâk olğanını qayd etti.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG