Rusiye quvetçileri tarafından yaqalanğan qırımlı uquq qoruyıcı Abdureşit Cepparov Aqmescitniñ Jeleznodorojnoye rayon polis bölügindedir, dep bildirdi "Gratı" ukrayin neşri.
Cepparovnıñ evinde tintüv bugün saba saat 7-lerde olıp keçken. Haber etilgeni kibi, tintüv vaqtında evde apayı ve 14 yaşındaki qızı edi.
Advokat Edem Semedlâyev FSB, Qarasuvbazardaki "E merkezi"ne barıp baqqan. Oña Cepparov anda ketirilmegenini bildirhenler. Diger advokat Refat Yunus RF İİN idaresine barıp baqqan, anda da Cepparov olarda yoq degenler.
Ukrayina Prezidentiniñ Qırım MC daimiy temsilciligi Cepparovnıñ tutulmasını takbih etti ve onıñ deral azat etilmesini talap etti.
2022 senesi martnıñ 16-nda işğal etilgen Qırımda Rusiye quvetçileri qırımtatar milliy areketiniñ veteranı ve uquq qoruyıcı Abdureşit Cepparovnıñ evinde tintüv keçirgen edi. Tintüvden soñ Cepparovnı Qarasuvbazar rayon polis bölügine alıp ketken ediler. O zaman Cepparov içtimaiy ağlarda "natsist atributikasınıñ ve timsalleriniñ propagandası" qabaatı ile 15 künge tevqif etilgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
