Frenkistan prezidenti Emmanüel Makron dekabrniñ 13-nde Rusiye ordusı tarafından işğal etilgen Zaporijjâ atom elektrik stantsiyasından ağır silâlarnıñ çıqarılması ile bağlı aytışmalar keçirilgenini bildirdi.
"Çornobılnı qorçalap oldıq, ve bizim maqsadımız Zporijjânı da qorumaqtır. Yaqın aftalar al etici olacaq", - Reuters Makronnıñ aytqanlarından alıntı ketire.
Dekabrniñ 13-nde Pariste qış ve rusiyeniñ grajdan infraterkibine ücümleri vaziyetinde Ukrayinağa acele yardım köstermek içün konferentsiya keçirile.
Evel Halqara atom energiyası agentliginiñ müdiri Rafael Grossi, MAGATE Ukrayinadaki bütün atom elektrik stantsiyalarına missiyalar yollamağa razı olğanını bildirdi.
"Zaporijjâ atom elektrik stantsiyası etrafında telükesiz mıntaqanıñ olması üzerinde iş devam etmekte", - dep yazdı o Twitterde.
Rusiye Zaporijjâ atom elektrik stantsiyasını martnıñ 4-nde zapt etti. O vaqıttan berli ZAEs defalarca ateşke tutuldı.
Dekabrniñ başında MAGATE Zaporijjâ atom elektrik stantsiyası etrafında telükesiz mıntaqanıñ teşkil etilmesi ile bağlı aytışmalarda ilerilev bar, dep bildirdi.
Kreml Rusiye ordusı Zaporijjâ atom elektrik stantsiyasını terk etmege azırlanğanını red ete.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
