Soñki malümatqa köre, Yaponiyada yer teprenüvi neticesinde eñ az 48 kişi can berdi. Bu aqta Kyodo yerli akimiyetniñ malümatına esaslanıp bildire.
7,6 küçlü yer teprenüvi yanvarniñ 1-nde İsikava prefekturasındaki Noto yarımadasında ve Yaponiyanıñ merkeziy rayonları yaqınlarında oldı. Vadzima şeerinde zararlar büyük, yanğınlar oldı. Devam etken yer teprenüvleri qurtaruv işlerini zorlaştıra. İsikava akimiyetiniñ malümatına köre, 48 ölüden 20-si Suzuda, 19-ı Vadzimada, beşi Nanaoda qayd etilgen edi.
Niigata, Toyama, Fukui ve Gifuda da yıqılğan binalar bar.
Yaponiya akimiyeti memleketniñ ğarbiy yalısında tsunami telükesini ilân etti, lâkin yanvarniñ 2-nde saba onı lâğu etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
