"Qırım studiyaları" — Qırımnıñ medeniy, içtimaiy ve siyasiy mirasınıñ qorunmasını, tasilini ve araştırmasını birleştirgen unikal ditsiplinlerara leyhadır", — dep aytıla haberde.
Programmada Tatyana Grigoryeva ve Martin-Aleksandr Kislıynıñ Qırım tarihı, Ayşe Arnautovanıñ qırımtatar edebiyatı ve medeniyeti, Afize Emirramzayevanıñ qırımtatar tili, halqara uquq kontekstinde Qırım ve Qırım reintegratsiyası meseleleri boyunca lektsiyaları olacaq.
Derslerde iştirak etmek içün yanvarniñ 19-na qadar anketanı toldurıp, tasil, zenaat faaliyeti, motivatsiya ve alğan bilgilerni qullanuv planları aqqında bir qaç sualge cevap bermek kerek.
Daa evel haber etilgenine köre, Kanadadaki Albert universiteti, Kanadadaki ukrayin studiyaları institutı çerçivesinde faaliyet köstergen milliy tedqiqatlar fakultetinde qırımtatar studiyaları boyunca stipendiya programmasını tesis etken edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
