Ukraina sıñırcıları, Qırım memuriy sıñrını keçken adamlarnıñ sayısı ep eksilgenini qayd ete.
Ukraina Devlet sıñır hızmetiniñ matbuat hızmeti haber etkenine köre, 2019 senesi yanvarde, 2018 seneniñ aynı mevsimine köre, kiriş-çıqış noqtasını 10%-ğa azca adam keçti.
Memuriy sıñırnı keçken naqliyatnıñ sayısı ise, 16%-ğa eksilgen.
2018 senesi oktâbrde ukrain sıñırcıları, ilhaq etilgen Qırım memuriy sıñırından keçken adamlarnıñ sayısı eksilgenini qayd etti.
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».
