Olardan 11-i tamır qırımtatar halqınıñ vekillerine qarşı yapıldı.
Teşkilâtnıñ malümatına köre, bir ay içinde Qırımda 4 tintüv, 2 yaqalanuv ve 4 sorğu qayd etildi. Bundan ğayrı, beden ve ruhiy sağlıqnıñ yüksek seviyesine irişüv aqqınıñ bozuluvı ile bağlı 3 adise aqqında belli.
Bundan da ğayrı, QRM-nde qayd ettiler ki, yanvar ayında adaletli mahkeme aqqınıñ bozuluvı 14 kere qayd etildi, olardan 11-i de qırımtatar halqınıñ vekillerine nisbeten.
Daa evel Qırımtatar Resurs Merkezi bildirdi ki, Qırım ilhaqınıñ başından berli 307 siyasiy mabüs ve cinaiy davalar boyunca taqip etilgenler qayd etildi, olardan 206 - qırımtatar halqınıñ vekilleri.
Ukrayina prezidentiniñ Qırım Muhtar Cumhuriyetindeki temsilciligi fevralniñ 5-ne qadar rusiyeliler Qırımda 208 insannı qanunsız şekilde mahküm etkenini bildirgen edi, olarnıñ arasında 125 qırımtatardır.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
