Sabıq prezident Viktor Yanukoviç Ukrainanıñ yañı yolbaşçılığını Donbassta devam etken «qanlı dögüş»te qabaatladı.
«TASS-TV» rusiyeli telekanalından aşkâr etilgen videomuracaatında Yanukoviç şunı qayd etti ki, «insanlar yañı akimiyetten ilk evelâ barışıqnı bekley edi».
«Saylayıcılarnıñ çoqusı yañı akimiyetniñ yardımı ile siyasiy buhran bitecek ve tınç zaman kelecek dep tüşüne edi. Halq cenkke çevirilgen qarşılıqtan boldurdı», – dedi o.
Faqat, Yanukoviçniñ sözlerine köre, saylavlardan soñ ukrainliler «qanlı dögüş»niñ şaatları olğan eken.
«Ğayet fena alemettir. Prezident yolunı öz ömür arqadaşlarınıñ, babalarınıñ, balalarınıñ ölümini körgen analarda açuv doğurğan qanlı fişenkten başladı»,– dedi fevral ayından Rostov-na-Donu şeerinde saqlanğan Viktor Yanukoviç.
Viktor Yanukoviç halqara qıdıruvğa ilân etilgen ve fevral 18-20 künleri Kiyevde Maydanda olğan kütleviy öldürüvlerde qabaatlana.
«Vesti» neşirniñ malümatına köre, Viktor Yanukoviç öz grajdan apayı Lübov Polejay ile Soçide yerleşken.
«Bilgeime köre, o, öz grajdan apayı Lübov Polejay ile Soçide yerleşti. Nenen oğraşa? Memleketiñizde olğan işi neticesinde iç bir şeynen oğraşmasa da olur», – dedi Moskvanıñ Şimaliy memuriy civarınıñ sabıq başı Oleg Mitvol.
Hatırlatamız, sabıq qaçaq prezidentniñ soñki muracaatı adet üzre Rostov-na-Donu şeerinde yazılğan edi.
«TASS-TV» rusiyeli telekanalından aşkâr etilgen videomuracaatında Yanukoviç şunı qayd etti ki, «insanlar yañı akimiyetten ilk evelâ barışıqnı bekley edi».
«Saylayıcılarnıñ çoqusı yañı akimiyetniñ yardımı ile siyasiy buhran bitecek ve tınç zaman kelecek dep tüşüne edi. Halq cenkke çevirilgen qarşılıqtan boldurdı», – dedi o.
Faqat, Yanukoviçniñ sözlerine köre, saylavlardan soñ ukrainliler «qanlı dögüş»niñ şaatları olğan eken.
«Ğayet fena alemettir. Prezident yolunı öz ömür arqadaşlarınıñ, babalarınıñ, balalarınıñ ölümini körgen analarda açuv doğurğan qanlı fişenkten başladı»,– dedi fevral ayından Rostov-na-Donu şeerinde saqlanğan Viktor Yanukoviç.
Viktor Yanukoviç halqara qıdıruvğa ilân etilgen ve fevral 18-20 künleri Kiyevde Maydanda olğan kütleviy öldürüvlerde qabaatlana.
«Vesti» neşirniñ malümatına köre, Viktor Yanukoviç öz grajdan apayı Lübov Polejay ile Soçide yerleşken.
«Bilgeime köre, o, öz grajdan apayı Lübov Polejay ile Soçide yerleşti. Nenen oğraşa? Memleketiñizde olğan işi neticesinde iç bir şeynen oğraşmasa da olur», – dedi Moskvanıñ Şimaliy memuriy civarınıñ sabıq başı Oleg Mitvol.
Hatırlatamız, sabıq qaçaq prezidentniñ soñki muracaatı adet üzre Rostov-na-Donu şeerinde yazılğan edi.
