Viktor Yanukoviç bazar künü keçirilgen Ukraina prezidenti saylavlarınıñ neticelerini ürmet etecegini bildirdi.
Rostov-na-Donu şeerinde bazarertesi künü aşkâr olunğan Ukraina Yuqarı Şurası tarafından devrilgen prezidentiniñ arizasında qaysı bir regionda ealiniñ qaç fayızı saylavda iştirak etkenine baqmadan,Ukraina içün bu qıyın vaqıtta yapılğan saylavnı ürmet etecegi bildirile, dep haber ete Radio Svoboda.
Mında qayd etile ki, Ukraina prezidenti saylavı qanuniy olğanı içün memleketniñ cenübiy-şarqı iştirak etmeli. Faqat, Yanukoviçniñ sözlerine köre, saylayıcılarnıñ çoqusı qanunsız akimiyetiniñ areketleri ile aqaretlendi eken.
O, Ukraina şarqında silâlı separatistlerge qarşı ukrain akimiyetiniñ mahsus ameliyatını teñqitke oğrattı. Bu sebepten Yanukoviç qayd etti ki, Ukraina akimiyetiniñ esas vazifesi – memlekette qanlı cenkniñ toqtatılması ve şarqiy regionlardan ordularnıñ çıqarılmasıdır.
Viktor Yanukoviç fevral 22 künü Ukraina Yuqarı Şurasınıñ prezidenti vazifesinden devrilgen edi. Bundan soñ o, Rusiyege qaçıp ketti, mında o bir qaç kere devrilmesi qanunsız olğanını qayd ete edi. Ukrainada Yanukoviçke nisbetten bir qaç cinaiy iş açıldı, bu sırağa Kiyevde narazılıq numayışları devamında insanlarnıñ öldürüvi da kire.
Şimdi olğan malümatlarğa köre, Ukraina prezidenti saylavlarında 53% reylerni qazanğan Petro Poroşenko galip çıqtı. Rusiyeniñ çetel işler nazirliginiñ başı aytqanı kibi, Moskva Kiyevniñ yañı yolbaşçılığı ile muzakerelerge azırdır eken.
Rostov-na-Donu şeerinde bazarertesi künü aşkâr olunğan Ukraina Yuqarı Şurası tarafından devrilgen prezidentiniñ arizasında qaysı bir regionda ealiniñ qaç fayızı saylavda iştirak etkenine baqmadan,Ukraina içün bu qıyın vaqıtta yapılğan saylavnı ürmet etecegi bildirile, dep haber ete Radio Svoboda.
Mında qayd etile ki, Ukraina prezidenti saylavı qanuniy olğanı içün memleketniñ cenübiy-şarqı iştirak etmeli. Faqat, Yanukoviçniñ sözlerine köre, saylayıcılarnıñ çoqusı qanunsız akimiyetiniñ areketleri ile aqaretlendi eken.
O, Ukraina şarqında silâlı separatistlerge qarşı ukrain akimiyetiniñ mahsus ameliyatını teñqitke oğrattı. Bu sebepten Yanukoviç qayd etti ki, Ukraina akimiyetiniñ esas vazifesi – memlekette qanlı cenkniñ toqtatılması ve şarqiy regionlardan ordularnıñ çıqarılmasıdır.
Viktor Yanukoviç fevral 22 künü Ukraina Yuqarı Şurasınıñ prezidenti vazifesinden devrilgen edi. Bundan soñ o, Rusiyege qaçıp ketti, mında o bir qaç kere devrilmesi qanunsız olğanını qayd ete edi. Ukrainada Yanukoviçke nisbetten bir qaç cinaiy iş açıldı, bu sırağa Kiyevde narazılıq numayışları devamında insanlarnıñ öldürüvi da kire.
Şimdi olğan malümatlarğa köre, Ukraina prezidenti saylavlarında 53% reylerni qazanğan Petro Poroşenko galip çıqtı. Rusiyeniñ çetel işler nazirliginiñ başı aytqanı kibi, Moskva Kiyevniñ yañı yolbaşçılığı ile muzakerelerge azırdır eken.
