Prezident vazifesinden çıqarılğan Viktor Yanukoviç Ukraina arbiy hızmetçilerni «cinaiy emirlerni» eda etmemek, ukrain halqına ateş açmamağa çağıra.
Bunı o, Ukraina şarqında yüz bergen adiselerni izaatlap, Rostov na Donu şeerinde bildirdi.
Onıñ aytqanına köre, yañı ukrain akimiyeti memlekette olıp keçken vaqialar içün cinaiy mesülietni çekecek eken.
«Ukraina endi bir ayağı ile vatandaşlıq cenkine adım attı, bugün Ukraina içün «acele saylavlar degil de, muzakereler müimdir», – dedi sabıq prezident. Yanukoviç şunı da bildirdi ki, Ukrainadaki adiselerine AQŞ alâqası da bar ve olar «bu memlekette başlanğan vatandaşlıq cenki içün mesülietlidir».
Viktor Yanukoviç Ukraina Yuqarı Şurası tatarfından fevral 22 künü vazifesinden boşatılğan edi, memleketten qaçıp, Rusiyede buluna. Ukrain akimiyeti onı Kiyevdeki kütleviy narazılıq numayışlarda mahsus öldürüvlerde ve anayasa qurulışnıñ yoq etmek içün çağıruvlarda qabaatlay.
Bunı o, Ukraina şarqında yüz bergen adiselerni izaatlap, Rostov na Donu şeerinde bildirdi.
Onıñ aytqanına köre, yañı ukrain akimiyeti memlekette olıp keçken vaqialar içün cinaiy mesülietni çekecek eken.
«Ukraina endi bir ayağı ile vatandaşlıq cenkine adım attı, bugün Ukraina içün «acele saylavlar degil de, muzakereler müimdir», – dedi sabıq prezident. Yanukoviç şunı da bildirdi ki, Ukrainadaki adiselerine AQŞ alâqası da bar ve olar «bu memlekette başlanğan vatandaşlıq cenki içün mesülietlidir».
Viktor Yanukoviç Ukraina Yuqarı Şurası tatarfından fevral 22 künü vazifesinden boşatılğan edi, memleketten qaçıp, Rusiyede buluna. Ukrain akimiyeti onı Kiyevdeki kütleviy narazılıq numayışlarda mahsus öldürüvlerde ve anayasa qurulışnıñ yoq etmek içün çağıruvlarda qabaatlay.
