Qırımnıñ Rusiye ükümetiniñ baş nazir muavini Yevgeniy Kabanov yarımadada «yañı şeer olacaq», dep ilân etti.
«Mesken quruluvı ve yañı raatlıq klasterleri, yañı raatlıq şeerleri içün baza şekillendirilmeli. Şimdi Husnullinniñ (Rusiye baş naziriniñ muavini – QA) ve cumhuriyet yolbaşçısınıñ reberligi altında Qırımda yañı şeerniñ peyda oluvını baqamız ve eñ yaqın vaqıtta taqdim etecekmiz. Kurort şeeri. Ne qurulacaq, ne vaqıt qurulacaq, nasıl maliye etilecek, devlet ne yapacaq ve yatırımcı ne yapacaq añlaşılmalı», – dep bildire Kabanovnıñ aytqanlarını «Krım24».
O, bu şeer qayda olacaq ve adı ne olacaq aytmadı.
«Ğarbiy taraf. Bir çoq Rusiye yatırımcısınen muzakereler keçirile», – dedi Kabanov.
Qomşu Rusiyeniñ mudafaa naziri Sergey Şoygu Sibirde ealisi 1 million insanğa qadar olacaq üç-beş şeer qurmağa teklif etti. Rusiye prezidentiniñ matbuat kâtibi Dmitriy Peskov Şoygunıñ teşebbüsini «müim» dep adlandırdı.
