Link açıqlığı

Saatnıñ esas haberi

ISW: yañı seferberlik dalğası Rusiye ordusınıñ vaziyetini beter yapacaq


Rusiyede daa bir seferberlik dalğası Ukrayınadaki cebege ketken Rusiye ordusınıñ keyfiyetini daa beter yapacaq, dep aytıla Cenkni tedqiq etüv institutınıñ haberinde.

Ekspertlerniñ malütına köre, gizli seferberlik ve nevbetteki seferberlik dalğasına azırlanuv küzde askerlikke aluvnen beraber zaten zor çalışqan Rusiye silâlı quvetlerini şekillendirüv apparatına.

Talilciler, Kremlniñ Rusiye prezidenti Vladimir Putinniñ seferberlikni bitirüv fermanını imzalamağa aceti yoq dep bildirgenini hatırlata.

ISWniñ fikrine köre, Putin askerlikke almaq içün bürokratik ve memuriy ceetten boşaltmaq içün qısmiy seferberlikni toqtatmağa emir bergendir.

«Lâkin belli ki, Rusiye aikmiyeti seferberlik ğayretlerini bir vaqıt bütünley toqtatmadı, demek, askerlikke alınğanlar ögrengende seferber etilgenlerniñ bir qısmı azırlıq köre», – dep qayd ete talilciler.

ISW tahmin etken daa bir seferberlik dalğası em seferber etilgen askerler, em seferber etilgenlerniñ daa yaramay azırlanmasına sebep olacaqtır.

«Eñ yaqın aylarda nevbetteki seferberlik dalğası vaziyetni daa beter yapacaq ve Ukrayınadaki cebege atılacaq Rusiye ordusınıñ keyfiyetini daa yaramay alğa ketirecek», – dep bildire talilciler.

Oktâbrniñ 27-nde Cenkni tedqiq etüv institutı Rusiye prezidenti Vladimir Putin «Valday» munaqaşa klubında Ukrayına suverenitetini inkâr etmege devam etip, Rusiye ile ciddiy muzakerelerniñ imkânsız olğanını kösterdi.

Çıqışta bulunğan Putin Ğarp er yerde «Kremlniñ oyunlarını» köre, dep bildirdi ve er vaqıt kibi «Donbasqa yardım», Ukrayına ve Rusiyeniñ «bir halq» ve Ukrayınanıñ «suniy devlet» laflarını tekrarladı. Ukrayına prezidentiniñ ofisi Putinniñ nutqu «Freydge köre» yapıldı, dep ayttı.

Sentâbrniñ 21-nde Vladimir Putin Ukrayınada cenkni devam ettirmek içün qısmiy seferberlik ilân etti. Rusiye prezidentiniñ aytqanına köre, yedekte olğanlar seferber etilecek, birinciden uruş tecribesi olğanlar alınacaq edi. Bundan ğayrı, cebege ketmezden evel seferber etilgenler mahsus azırlıqtan keçmeli. Aq qorçalayıcılar ise akimiyet ilân etilgen seferberlik qaidelerini boza, seferber etilgen bazı insanlar tibbiy teşkerüvden keçmeyip bile cebege kete, dep bildire. Arbiyler de aynısını ayta.

Oktâbr başından berli kütleviy haber vastaları aman-aman er kün Ukrayınada seferber etilgen rusiyeliler öle, dep bildire.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG