Rusiye Federatsiyasınıñ ordusı Ukrayına energetika infrastrukturasına qarşı yañı küçlü raketa ücümlerini azırlay bile, dep ayttı Ukrayına prezidenti Volodımır Zelenskıy noyabrniñ 6-nda aqşam yapqan muracaatında.
«Terrorcı devlet infrastrukturamızğa, birinciden – energetika infrastrukturasına qarşı tekrar ücüm yapmaq içün quvet ve vastalarnı birleştirgenini añlaymız. Hususan Rusiyege bunıñ içün İran raketaları kerek oldı», – dep qayd etti o.
Zelenskıynıñ qayd etkenine köre, Ukrayına tarafı Rusiye ordusınıñ yañı darbelerine cevap bermege azırlana.
Soñki vaqıtları Rusiye ordusı Ukrayına energetika infrastrukturasınıñ obyektlerine qarşı ateşlerini quvetleştirdi. Ücüm içün qanatlı raketa, «topraq-topraq» ava mudafaa raketalarını ve İran bergen Shahed-136 kamikadze-dronlarını qullana.
Washington Post malümatına köre, İran Rusiyege qısqa uzaqlıq Fateh-110 ve Zolfagha «topraq-topraq» ballistik raketalarını gizli bermege razı oldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
