Yañı Moskvada demiryolğa yaqın yerde uçucısıznıñ parçaları tapıldı, dep haber ete Baza Telegram kanalı.
Onıñ malümatına köre, uçucısıznı Svitino köyüniñ sakini demiryoldan tahminen 100 metrde taptı. İlk malümatqa köre, bir zarar olmadı, yaralanğanlar yoq.
Shot Telegram kanalı yazğanına köre, uçucısıznıñ qanatı tahminen eki metrge açıla. Büyük ihtimalnen, elnen yapıldı – ağaç ve penoplasttan yapıldı. Derc etilgen fotoresimlerge köre, uçucısız Ukrayına bayrağı renklerine boyandı, qanatlarında ise «Yaşasın Ukrayına» dep yazılğan.
TASS Rusiye devlet agentligi adise yerinde tahqiqatçılar çalışa, dep yaza.
Ukrayına, Rusiye akimiyetleri uçucısız adisesini izaatlamadı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
