Link açıqlığı

Saatnıñ esas haberi

Ukrayına Silâlı quvetleri yañı büyük arbiy operatsiya azırlay – Zalujnıy


Valeriy Zalujnıy

Ukrayına Silâlı quvetleri yañı büyük operatsiya azırlay, amma şimdilik resurs yetmey, dep bildirdi Ukrayına Silâlı quvetleriniñ baş komandanı Valeriy Zalujnıy dekabrniñ 15-nde The Economist neşiri derc etken intervyüda.

«Böyle imkânlarnen yañı büyük operatsiya keçirip olamayım, amma şimdi böyle operatsiyalardan biri üzerinde çalışamız. Aman-aman azır, amma onı daa körmeysiñiz. Daa az snarâd qullanamız», – dep ayttı Zalujnıy.

Onıñ qayd etkenine köre, laf 50 biñ snarâd aqqında ketse, «para sayğan insanlar esini coya». «Eñ büyük problem olarnıñ (silâ bergen Ukrayına ortaqlarınıñ – QA) elinde bunıñ olmamasıdır», – dep qoştı Ukrayına arbiy yolbaşçısı.

Zalujnıynıñ aytqanına köre, fevralniñ 23-ndeki sıñırlarğa qaytmaq içün «300 tank, 600-700 zırhlı piyade maşinası, 500 gaubitsa» kerek.

Noyabr ayında Herson ve Herson vilâyetiniñ sağ tarafı azat etilgen soñ cebe stabil oldı ve bir aydan berli pek deñişmey. Ukrayına arbiyleri Lugansk vilâyetiniñ şimalinde Svatove ve Kremennanı azat etmege tırışa, Rusiye quvetleri Donetsk vilâyetindeki Bahmutqa diqqat ayıra. Şimdi eki tarafnıñ da strategik ilerilevi yoq.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG