Yanvarniñ 1-nde saba rusiyeli uçaqsız uçaqlar Kıyivge ücüm etti. Peçersk rayonındaki mesken evniñ eki yuqarı qatı qısmen yıqıldı. Üç adam yaralandı, ekisi hastahanege alındı, dep bildirdi Ukrayina paytahtınıñ meri Vitaliy Klıçko.
Onıñ aytqanına köre, dronnıñ parçaları da mesken olmağan binağa tüşti, evniñ damında ve dairesinde yanğın çıqtı. Ücümniñ aqibetleri aydınlatıla.
Yañı yılnıñ ilk saatlarında Ukrayinağa nevbetteki Rusiye uçucısız uçaqları ücüm etti. Ukrayina Silâlı quvetleriniñ Ava quvetleri bildirgenine köre, dronlar Harkivska, Poltavska şeerleri üzerinde qayd etildi. Çerkası ve Çerniğiv vilâyetleri.
Ukrayina nezaret kanalları Sumı vilâyetinde memleketniñ ava boşluğına kirgen sekiz uçaq aqqında bildire.
Bundan evel rusiye uçucısız uçaqlarınıñ Ukrayinanıñ cenübiy vilâyetlerine, şu cümleden Zaporojjâ vilâyetine ücüm etkenleri aqqında haber etilgen edi. Region yolbaşçısı İvan Fedorovnıñ malümatına köre, ücüm neticesinde mesken yerlerden birinde bir qaç şahsiy ev yandı, bir qadın qurtarıldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
