Yañı Ukrayina Mudafaa naziri Rustem Umerov nazirlikniñ faaliyetiniñ prioritetlerini bildirdi.
"Memleketimiz içün eñ tarihiy zamanda Ukrayina Mudafaa naziri olmaq eñ büyük şereftir. Prezident tarafından belgilengen 5 prioritetni belgilecem. Birincisi - nazirlikniñ subyektivliginiñ şekillenmesi. Nazirlik mudafaa quvetleriniñ koordinatsiyasını saqlaycaq esas qurumğa çevirilmelidir. Bu, em Ukrayianıñ mudafaa strategiyasınıñ ve siyasetiniñ şekillenmesine, em de mudafaa müessiseleri arasında resurslarnıñ bölüştilmesi vazifeleriniñ koordinatsiyasına aiittir", – dep bildirdi Rustem Umerov
Onıñ sözlerine köre, ekinci prioritet eñ büyük qıymet olğan ukrayinalı arbiylerdir.
"Bizim nazirligimizniñ bütün faaliyeti ordumıznıñ quvetleştirilmesine, arbiylerimizni kerekli er şeynen temin etilmesine yönetilmelidir", - dep qayd etti o.
Prioritetler arasında, o, halqara koalitsiyasınıñ quvetleştirilmesini ve kenişletilmesini de adalandırdı.
"Dörtünci qabarcılıqqa ve dicitalleşmege yoq. Bütün satın aluvlarnı NATO standartlarına yaqınlaştırmaq", - dep ayttı o.
Bunda ğayrı ukrayin istisalınıñ inkişafı pek müim olğanını da qayd etti.
Sentbrniñ 7-nde Ukrayina prezidenti Volodmır Zelenskıy yañı Ukrayina Mudafaa naziri Rustem Umerovnı taqdim etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
