Ukrayina Silâlı Quvetleriniñ Baş ştabınıñ malümatına köre, Herson vilâyetindeki Yañı Kahovkada Rusiye ordusı Dnipro özeniniñ yalısı boyunda yaşağan yerli sakinlerni kütleviy şekilde evlerinden çıqarıp atalar.
"Herson vilâyetiniñ Yañı Kahovka şeerinde rus işğalcileri Dnipro özeniniñ yalısı boyunda yaşağan bütün yerli ealini öz evlerinden balaları ile beraber acımasız kütleviy şekilde çıqarıp atalar. Yerli ealiniñ evlerine işğalciler yerleşeler. İlk malümatqa köre, Yañı Kahovka ve Kahovkada Rusiye ordusı telefon alâqasını ve internet bağnı da kesken", - dep yazıla bildirmede.
Baş ştabda, alâqanı sıñırlayaraq, olar Rusiye ordusınıñ cinayetleriniñ qad etilmesini ve içtimaitke aydınlatılmasını imkânsız etmege tırışalar.
Arbiy areketlerni ve Ukrayinanıñ cenübiy qısımlarınıñ Rusiye tarafından işğal etilmesini köz ögüne alaraq, muarririyet bu malümatnı teşkerip olamay.
Yañı Kahovka Dnipro özeniniñ sol yalısında yerleşken Herson vilâyetindeki şeerdir. Keçken sene ukrayin arbiyleri olarnı sağ yalıdaki mevzilerinde sıqıştırıp çıqarğan soñ olar bu şeerge yerleşkende ediler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
