Moskvadaki «Şeremetyevo» ava limanında «Aeroflot» ava şirketiniñ uçağı qaza sebebinden qonğan yerde eki «qara qutu» tapıldı, dep bildirdi RBK Rusiye agentligi Fevqulâde vaziyetler hızmetindeki menbalarğa esaslanıp.
Qaza yerinde çalışqan tehnik hızmetler daa «eki qutunı» şimdilik tapıp olamadı. Tertibatlar ateşten ve sert qonuvdan pek zarar körgen uçaqnıñ quyruq qısmında qoyulğan edi.
Mayısnıñ 5-nde aqşam «Suhoy Superjet-100» (SSJ-100) uçağı Moskvadan Murmanskqa yol aldı. İçinde 78 insan bar edi. Aman-aman birden qaza sebebinden qonmaq içün izin istedi, bundan soñ bağ üzüldi.
Sert qonğan uçaq uçuv-qonuv yolağına urulıp, şassisi zarar kördi ve yanmağa başladı. Neticede 41 insan elâk oldı.
Rusiyeniñ Murmansk vilâyetinde üç künlik matem ilân etildi.
Qaza sebebi daa belli degil. Rusiyede uçaqqa yaşın çarptı, bunıñ neticesinde ise «avtomatikası bozuldı», dep tahmin eteler.
