Ay Vasıl (şimdi Vasilyevka) eskiden qırımtatar qasabası olğan, şimdi ise Yaltanıñ az qatlı binalar mikrorayonı – Yaltada sel neticesinde eñ büyük zarar körgen yerlerden biridir. Taşlar bir qaç soqaqnı tökülip toldurdı. Cafer Seydamet soqağında küçlü yağanaqlar neticesinde Dereköy özeniniñ sol qolu olğan Guva özeni yalılarından çıqtı. Guva özeniniñ sel aqımı bir qaç evni yoq etip bastı, bazı inşaatlar damlarına qadar taş toldı, maşinalar zarar kördi.
Yaltanıñ Rusiye memuriyetiniñ yolbaşçısı Yanina Pavlenko Cafer Seydamet soqağını şeerniñ «daa bir problemli noqtası» dep adlandırdı: «10 evni suv bastı, bir qaç danesi bütünley suv astında qaldı, taş ve çamur tolu. Suv kele, bu birden körüne, aqımnıñ yolunı qısmen eski trolleybuslar qapata! Sakinlerniñ ekseriyeti – birinciden bala ve qartlar – tahliye etildi, amma bazıları evlerini qurtarmağa tırışa».
Cafer Seydamet soqağında sel aqibetlerini nasıl yoq eteler – Qırım.Aqiqatnıñ fotoresimlerinde baqıñız.
Facebook Forum