Yaltada tufan neticesinde 18 insan yararalandı, 1 erkek öldi ve 1 qadın bellisiz ğayıp oldı. Bu malümatnı iyünniñ 19-nda saba saat 6-da Qırım boyunca Rusiye Fevqulâde vaziyetler nazirligi haber etti.
Haber etilgeni kibi, 608 insan, olardan 50 bala yardımğa muhtac edi. Muvaqqat yerleşüv noqtalarına 90 insan yollandı, 36 – alâ daa andadır, olardan 4 – bala.
«Kirli suv aqtı: Goluboy zaliv şeer şeklindeki qasaba, Oreanda, Livadiya-2 qasabaları, Yalta şeeri, Kurçatova soqağı 10, Bağçasaray yolu, Gonçarnoye-Yalta yolu, Gurzuf, Koreiz şeer şeklindeki qasaba», – dep yazıla bildirmede.
Qurtarıcılarnıñ malümatına köre, şeerde künde 133 mm yağanaqlar yağğan. 101 ev suv astında qalmaqta, 43 evden pompalap suv çekildi.
«7211 abonent, 26 soqaq ve 114 TS elektrisksiz qaldı. 6662 abonentte ise kene bar. 235 abonette gaz yoq», – dep haber etile.
İyünniñ 18-ne keçken gece, bol yağğan yağmurlar neticesinde Büyük Yaltanı suv bastı, şeerde cayav keçitleri suv astında qaldı. Yerli memurlar cemaat naqliyatınıñ qatnamasını toqtattı. Yaltada fevqulâde vaziyet ilân etildi, şeerge kiriş yeri qapalı.
Sağanaqlardan ve şeerniñ suv basqan soñ 80 transformator stantsiyası ve eki elektrik naqil hattısı elektriksiz qaldı. Krımenergonıñ haber etkenine köre, episi olıp 2700 istimalcı ışıqsız qalğan. Bundan ğayrı yerli memurlar bölgede suvnıñ kesilmesi aqqında qarar aldı ve şeer sakinlerini suv alıp qoymağa çağırdı.
Yaltada tufan: Qırımnıñ cenübiy yalısınıñ paytahtında ne olayata (fotoresimler)
Evel, Qırımnıñ Gidrometeorologik merkezinde haber etkenlerine köre, cumaaqşası gecesi yarımadanıñ şarqiy rayonlarında yağanaqlarnıñ aman-aman eki aylıq qararı yağğan.