Yaltada şeer sakinleri meşur ukrain şairi ve ressamı Taras Şevçenkonıñ abidesine çeçekler qoydı.
Qırım.Aqiqat mühbiriniñ bildirgenine köre, yarım saat devam etken tedbirge 40-qa yaqın insan keldi. Olarnıñ arasında ukrain tilini ögrengen mektep talebeleri ve olarnıñ ocaları, yerli şairler ve yazıcılar bar edi.
Kelgenler Şevçenkonıñ şiirlerini ukraince oqudı, ukrain yırlarını çaldı.
Ukrainada martnıñ 9-nda ukrain şairi ve ressamı Taras Şevçenko doğğanınıñ 205 yılı qayd etile.
Bıltır Aqyar, Aqmescit, Keriç sakinleri Şevçenkonıñ doğğan kününde onıñ abidesine çeçek qoyğan edi.
Taras Şevçenko 1814 senesi martnıñ 9-nda dünyağa kelip, edebiyat ve ressamlıq icadı sayesinde meşur oldı. O, ukrain medeniyetiniñ eñ büyük timsallerinden biri ola.
