Yaltada Rusiye politsiyası 12 yaşında Yelizaveta Poliyanskayanı qıdıra. O, bir kün evelsi evden çıqıp, belli olmağa tarafqa ketti. Bu aqta Qırımdaki Rusiye İç işler nazirligi idaresiniñ matbuat hızmeti bildire.
«Fevralniñ 11-nde saat 16:00-larda Yaltada çağına yetmegen Poliyanskaya Yelizaveta Mihaylovna evden ketti, doğuv künü 05.09.2006 senesi. Üstünde tizine qadar kapüşonlı qırmızı palto, mavı cins, qara ayaqqap bar edi. 12 yaşında, boyu 125-130 sm, arıq, qoyu qısqa saçlı, qaverenki közlü», – dep aytıla haberde.
Qıznıñ bulunğan yeri aqqında bir de bir haberi olğanlar aşağıdaki adres boyunca muracaat ete bile: Yalta, Kirov/Morskaya soq., 8/12 ya da nevbetçi bölükke telefon etmek mümkün.
Kefede 2018 senesi mart ayında üç kişiden ibaret qorantanıñ ğayıp oluvı sebebinden cinaiy iş açılğan edi. Martnıñ 7-nde belli olğanına köre, Qırımda ğayıp olğan aileniñ cesedleri tapıldı. Tahqiqat komiteti bu cinayetni işlegeninden şübheli olğan Keriç sakini yaqalandı, dep bildirdi.
