Yaltada ilân tahtalarına raketa ücümleri ve bombalama olğan taqdirde halq içün hatırlatmalar yapıştırıp çıqqanlar. Bunı "Moskva" kreyserinde elâk olğan asker namzetiniñ babası Dmitriy Şkrebets haber etti.
Beyannamelerde olarnıñ müellifleri "Yalta şeer bölgesiniñ terrorcılıqqa qarşı komissiyası" olğanı aqqında yazıla. Şeerniñ "resmiy" akimiyeti bunıñ aqqında bir şey haber etmedi.
Evel Qırım ve Aqyar şeerinde tahliye ve ava ücümi ile bağlı tevsiyeler radio vstasınen yayınlanğan edi. Rusiye akimiyeti bunı "bozıp açma" adlandırdı.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayıina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
