Yaltanıñ tarihiy merkezinde bellisiz kişiler sarı boyanen Ukrayina tuğrasınıñ resmini yapqanları aqqında mühbirimiz oktâbrniñ 17-nde haber etken edi.
Bu yer Qırım işğal etilgen soñ Rusiyeniñ nezareti astına keçti.
Rusiye Ukrayinağa qarşı büyük cenkni başlatqanından berli "Jovta striçka" cemaat areketiniñ faalleri Qırım yarımadasında Ukrayina timsallerini qaldıralar.
Yaltadaki graffitini "Jovta striçka" temsilcileri yapqanına dair tasdıqlav yoq, amma bu resim cemaat areketiniñ öz içtimaiy ağlarında yayınlağan resimlerge pek beñzey.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
