Rusiye nezaretindeki Yalta şeer tasil idaresiniñ başı Renard Kutkovskiy, karantin vaqtında mezun albomları içün mektep talebeleriniñ suret yapması yasaq olmalı, dep ayta. Bunı "Krıminform" matbuatı haber ete.
"Nasıldır Yalta fotografı karantin vaqtında mezun albomları içün foto çekmesinen oğraşmağa teklif ete. Karantin vaqtında bölye şey olmamalı!", - dedi o.
Kutkovskiy, ana-babalarğa muracaat etip, balalarnıñ cemaat toplanmalarında bulunmalarını yol bermemege çağırttı.
Daa evel Yaltada yalı kenarında kezinmesini ve üçten ziyade adam toplanmasını yasaq ettiler.
Qırımda 20 koronavirus adisesi qayd etildi.
