Qırımnıñ rusiyeli Naqliyat naziri Sergey Karpov, Yaltanıñ kurort mevsimine azırlığını teşkerdi. Hususan, o Yalta limanını ziyaret etken ve anda yerli akimiyetnen havflı iskeleniñ bozmasını muzakere etken. Bu aqta yarımadanıñ Naqliyat nazirliginiñ matbuat hızmeti bildirmekte.
Müessise malümatına köre, iskeleniñ tamirlevi faydasız, bunıñ içün onı bozmaga qarar berdiler.
“Bugünde bugün o şeer mülkü sayıla, onı bozmaq içün başta teşkerip qıymet kesmek kerek, soñra ise şeer mülkiyeti cedvelinden çıqarmaq. Bu devamlı ketişat olğanından sebep, yarımada sakinleri ve musafirleriniñ telükesizligi içün kerekli çareler körülecek”, - denile beyanatta.
