Tünevin aqşam Dağcılar Yalta orman qoruğında Botkin soqağı civarında 0,6 gektarnı qaplap alğan yanğınnı söndüre ediler. Bunı VKontakte içtimaiy ağında "Podsluşano Yalta" gruppasında qullanıcılar haber ete.
"Kene dag yana... Aydındır ki, aselet yaqılğan, şimdi endi Botkin soqağınıñ başı yana", - denile beyanatta.
Matbuatta bu haberni Qırım nazir müavini Vladimir Filatov tasdıqlay.
"Yanğın büyük mıntaqanı qaplamadı - qararnen 0,6 gektar. Amma yanğın yerine barıp çıqmaq qıyındır. Maşnanen barmaq mümkün degil, onıñ içün suvnı qopqa-çantanen taşıylar", - dedi o "Krıminform"ğa.
Daa evel bildirile edi ki, aprelniñ 5-inde Yalta orman qoruğında olğan yanığn söndürildi.
Rusiyeniñ Qırım boyunca FVN-niñ malümatına köre, kecken afta yarımadada 84 yanğın oldı.
Qurtarıcılaq martnıñ 16-sında aqşam Yalta dağ-roman qoruğında Üç Qoş deresindeki olğan yanğınnı söndürdi. Bunı Rusiye FVN-niñ Qırım idaresi bildirdi.
Daa evel haber etilgeni kibi, Qırımnıñ cenübinde Yalta dağ-roman qoruğı yana edi. Qırımdaki Rusiye FVN bildirgeni kibi, saat 7-de saba ateş tarqalmasını toqtatıp oldılar. Yanğın 0,42 gektarnı qapladı.
Avgustnıñ 11-inde üyleden soñ Üç Qoş deresinde yanğın başlandı. Fevqulade vaziyetler hızmetiniñ (FVH) haber etkenine köre, yanğın uzaq dağlıq yerinde, 45-80 derecelik bir bayır capında başlandı. Ateşniñ söndürmesine, derede 15-20 m/s qadar köterilgen küçlü yel mania ola.
