Yaltanıñ rusiyeli akimiyeti, şeer merkezinde “Kitap evi” yanında yerleşken “bit” bazarını yasaqlamağa istey. Bu aqta Yalta şeer memuriyeti başı Aleksey Çelpanov bildire.
O aytqanına köre, “bit” bazarı - şeerniñ meselelerinden biri.
“Biz, “Kitap evi” artında resmiy alış-veriş sıralarında bedava yer ayırmağa azırmız, amma satıcılar anda keçmege istemey”, - dey o.
Bazar ve hızmetler idaresininiñ başlığı Yelena Mordovets, “bit” bazarı ile küreş çoqtan berli devam etkenini hatırlata.
“Andan satıcıları qaç kere köçürmesek de, ep bir o yerge qaytalar”, - dey o.
2016 senesi “bit” bazarı yanında yerleşken çeçek bazarını boşatıp, anda asfalt töşediler ve maşna qaldıruv yerini yaptılar.
