Yaltadaki bala bağçaları iyülniñ 5-nece qapalı olacaq, dep bildirdi Qırımnıñ Rusiye başı Sergey Aksönov.
«Şimdiki vaqıtta bala bağçalarında olğan suvnf içmek mümkün degil. Çalışqan ana-babalarğa balalarını bala bağçalarında qaldırmaq kerek olğanını añlayım, amma daa erte olarnı açmaq. Keledejk bazarertesinece sabr etmege çağıram», – dedi Aksönov.
Evel Yalta başı Yanina Pavlenko, Yaltadaki bala bağçaları iyülniñ başında çalışıp başlaycaqlar dep bildirgen edi.
Hatırlatamız, Yaltada suv basuvı sebebinden bütün bala bağçalar qapatıldı.
Aksönov Qırımda sel neticesinde zarar körgenlerniñ arizaları iyülniñ 1-ne qadar qabul etile, dep bildirdi.
Akimiyet Qırımnıñ yedek fondundan 161 mln 160 biñ ruble yarımadadaki fevqulâde vaziyet aqibetlerini yoq etmek içün sarf etmege qarar berdi.
Rusiye prezidenti Vladimir Putin Qırımğa afat aqibetlerini yoq etmek içün «acele ve büyük» yardım köstermege emir etti.
