Yaltanıñ rusiyeli akimiyeti şeer azbar hızmetçisi Kününi tesis etti. Onı er yıl mayısnıñ üçünci bazar kününde qutlaycaqlar.
Bu qararnı şeer memuriyetiniñ başı İvan İmgrunt imzaladı.
Bundan ğayrı, vesiqağa köre, bu yılnıñ yanvar 31-inece mesken komunal hocalığı bölüginiñ mütehassısları er yıllıq "Eñ yahşı azbar hızmetçisi" yarışını işletip çıqarmalı ve tasdıqlamalı.
Daa evel İmgrunt, Yaltada azbar hızmetçisiniñ orta aylığı 30 biñ ruble olğanını haber etti.
