İşğal etilgen Qırımda Fevqulâde vaziyetler nazirliginiñ Rusiye idaresi, Yaltanıñ Autka mikrorayonı civarındaki orman yanğınını endi altıncı kün söndürmege devam eteler, dep bildirdi. Qurtarıcılar altı cenk alanında çalışalar.
"Yanğın söndüriciler orman tabanını söndürmege devam eteler. Olar tik eñişlerde rükzak yanğın söndüricileri yardımınen yetmek qıyın olğan yerlerde çalışa. Qurtarıcılar qayalı yer boyu şlang liniyalarını töşeyler. Söndürüv yel ve adetten tış sıcaq ava sebebinden mürekkepleşe", — dep haber etile.
Yanğın aqqında haber Armannıñ 19-na keçer gecesi keldi. Başta bir qaç gektar yana edi, soñra o 10 gektarğa qadar arttı, Armannıñ 21-nde ise 50 gektarnı teşkil etti. Yerli sakinler şeerniñ dumanından ve nefes aluv qıyınlığından şikâyet eteler.
Bazı menbalar yanğınnıñ başlanuvını Armannıñ 19-ında yüz bergen dronlarnıñ ücümi ile bağlaylar, amma Rusiye akimiyeti bunıñ sebebini resmiy olaraq bildirmedi.
Qırım.Aqiqat cenk şaraitlerinde bu malümatnı mustaqil sürette teşkerip olamay.